قصة كاملة
المحتويات
هتكلم لكن ضحكت بيهستريا اتخضوا مني
اتكلم رسلان
هيا عائشه الوقعه اثرت علي دماغها ولا اي.
ضحكت بيهستريا اكتر واتكلمت
اصل افتكرت يا رسلان لما كنت مفكرني هنتحر وماشي ورايا اوي ولما وقعت ملحقتنيش يعني في الموقف الجد ملحقتنيش اقول اي بس.
بصلي بحزن وقرب مني بعد ما كان واقف بعيد
ابتسمت بيأس
بتتأسف علي اي مش ذنبك انت مكنتش شايفني وانا بقع وانا واثقه انك لو كنت شوفتني كنت هتلحقني.
قرب مني جدي وهو بيطبطب عليا بدموع
قلبي كان هيقف بعدك لو حصلك حاجه يا عائشه.
حضنته بدموع
بعيد الشړ عنك يا حبيبي مش عاوزه اشوف دموعك ابدا يا جماعه انتوا جايين تنكدوا عليا انا مش قادره اعيط.
اسف يا عائشه صدقيني مكنش قصدي اللي حصل انت عارفه غلاوتك عندي.
اتكلمت بهدوء من غير ما ابصله
ولا يهمك يا ياسين بس انا مكنتش فاهمه سبب عصبيتك دي احنا كنا بنهزر كلنا سوا وبنضحك انت قلبتها خڼاقه.
اتنهد بهدوء من غير ما ينطق بكلمه وخرج وقفل الباب وراه اتنهدت بارهاق وانا بغمض عيني
الدكتور هيكتبلك علي خروج بكره استريحي الوقتي.
ندي انت كويسه .
اتكلم حسام بضحكه بيحاول يتلاشي القلق اللي جواه من ناحيتها
الاخت ندي اغمي عليها عشان پتخاف من الډم طلعت فافي البت دي وعملالي فيها استرونج.
اتكلمت ندي بعصبيه
انت حد قالك قبل كده انك مستفز ورخم.
انا هتشل منك.
سلامتك من الشلل لا اجمدي كده لسه اللي جاي احلي.
اتنهدت وانا ببصلهم بضيق
اطلعوا برااااااا.
اي ده لي.
ھتموتوني انتوا جايين تتخانقوا هو انا ناقصه.
اتكلم حسام بخبث
احنا الخناق بينا محبه اه والله.
اتكلمت ندي بزعيق
محبه في عينك ده انت عدوي.
قرب منهم رسلان وطردهم برا فدخلوا تاني بضيق واتكلموا في نفس واحد
احنا هنفضل معاك لحد ما تقومي بالسلامه.
لا روحوا ارتاحوا انتوا وبعدين انا كويسه صدقوني.
لا هفضل مش متحركه.
لا روحي انت يا ندي عشان اهلك وصدقيني لو احتاجت حاجه الممرضه هنا هتساعدني.
ممرضه وانا روحت فين انا قاعد معاك انت وجدي مش متحرك مش هسيبك !.
اتكلمت بتعب
يا رسلان انا مش قادره اناهد.
بصلي بقلق
مش متحرك بقولك.
وجهت كلامي ليهم
خلاص روحوا بقي جدي ورسلان موجودين.
غمز حسام لندي
والعه ها.
اتكلم رسلان وهو بيخرجهم برا
هتولع بيكم ان شآء الله.
وفعلا روحوا حسام وصل ندي في طريقه لان الوقت اتاخر وجدي نام من التعب وخضته عليا بس انا مكنتش
قادره انام من الۏجع كنت ملاحظه نظرات رسلان ليا قام وقف وجاب كرسي قصادي
انت بتعملي اي.
مسكن.
اتكلم وهو بيشده من ايدي
ما انا عارف انه مسكن انت مش لسه واخده مسكن.
برضوا لسه تعبانه.
مش هتاخدي ده كتر المسكنات غلط.
اتنهدت وانا بنفخ
يعني افضل تعبانه.
متنفخيش مش عاجبك.
ايوه مش عاجبني.
طب كويس مش مهم برضوا رايك اوقات.
زفرت بضيق وسكت وهو كان مشغول في فونه كنت حاسه بملل وخصوصا ان مكنتش عارفه انام بصلي واتكلم
شويه وجاي محتاجه حاجه قبل ما امشي.
رايح فين تابعت كلامي لو تعبت عادي ممكن تروح.
بصلي بجمود
ياريت تسكتي هجيب حاجه وجاي.
مر بعض الوقت ولقيته جاي وفي ايده كيسه كبيره قرب وعدلي المخده عشان اسند عليها مدلي ايده بالكيسه فاتكلمت باستغراب
اي دول !.
جبتلك بيتزا وشويه حاجات تانيه اكيد جوعتي.
اتكلمت بمرح وانا بفتح البيتزا وباكلها باستمتاع
والله بتفهم يا رسلان كنت جعانه فعلا بس مبحبش اكل العيانين ده.
ضحك بيأس واتكلم بهدوء
مقولتيش لي انك جعانه.
بصتله بخجل
عادي.
اتنهد بهدوء واتكلم بابتسامه
لا مش عادي بعد كده اطلبي متتكسفيش وانا هنا موجود هجبلك كل اللي عاوزاه.
ابتسمت وناولته قطعه
طب كل معايا بقي عشان تفتح نفسي.
وفعلا بدأ ياكل معايا بعد اصرار مني كان بيتكلم معايا وبيحاول يضحكني لحد ما اتهديت وتعبت بدأ يقرألي قران بعدها روحت في النوم علطول.
تاني يوم الصبح فوقنا علي خبط الباب كان حسام وندي
صحوا النوم بقي.
فركت عيني واتكلمت
منك لله قطعت عليا نومي وانا ما صدقت انام.
مش عارف اقولك اي والله علي كلامك الحلو.
اتكلمت ندي بابتسامه
انا جبت فطار لينا كلنا عشان نفطر سوا.
وفعلا بدأنا نفطر كلنا سوا مع بعض في جو ملئ بالحب والضحك قاطع كلامنا صوت خبط كان ياسين ومعاه خطيبته قربت مني واتكلمت
الف سلامه عليك يا عائشه اول ما
متابعة القراءة
