مؤيد
ليا ..اقتنعت أن عمر هو الأهم دلوقتي ...
وانا مش بقولك حاولي ...أنا اللي هحاول يا يارا ...قلبك هيكون بأمان ...
قومت وقولت بعصبية
عمر قلبي ما هيكون بأمان يا مؤيد ...لانك لو حاولت تديني اهتمام أنا هديك اضعافه ...لو مشيتلي خطوة انا همشيلك الف لاني ..لاني لسه بحبك ...للاسف عارفة اني غبية وحمارة لاني لسه بحبك ...لسه بحبك و ..
وانا اوعدك اني مش هتخلي عنك خطواتك اللي هتمشيهالي همشيها أضعاف...فيالا تعالي معايا وادينا فرصة تانية يمكن ننجح...هتيجي معايا ولا اخطفك !
وبعد جدال كبير طلعنا الرحلة دي واللي شوفت فيها مؤيد تاني ...شوفت لاول مرة عيونه بتلمع ليا ...لأول مرة يهتم بيا الاهتمام الشديد ده ..كنت مستغربة ازاي اتحول بالطريقة وبالطريقة دي بقا لجوازنا فرصة احسن ...لاني مكنتش الطرف الوحيد اللي بيدي كان هو بيدي كمان حتي لو مش بيحبني بس كفاية أنه بيعاملني كويس ...متقي ربنا فيا ومديني مكانة كبيرة في حياته ...معرفش أن كان هيحبني ولا لا في يوم من الايام بس اللي عارفاه أن انا بحبه ..
بعدين جه وهو مبتسم وخرج الفون بتاعه وشغل اغنية لويتني I will always love you
وقالي وهو بيمد أيده
تسمحيلي بالرقصة دي ..
مكنتش اعرف انك من فانز ويتني هيوستن زيي ..
حقيقة أنا معرفهاش بس لاحظت انك بتحبيها فقولت احبها كمان ...تعرفي أن أغنيتها I will always love you تنطبق عليا لاني هحبك للابد ...
مفيش داعي تجبر نفسك انك تحبني ...الحب مش مه...
قاطعني وهو بيحط أيده علي بوقي وبيقول
لا مهم ...مهم جدا وانا بحبك ليه مش عايزة تصدقي !
قعدت علي الأرض وانا بعيط وبقول
ابوس ايديك متدنيش اي أمل ...أنا راضية اعيش كده لكن متخلنيش ابني احلام ....
قعد جمبي ومسك وشي وقال
ابتسمت من بين دموعي وقولت
انت حقيقي بتحبني
اه والله بحبك
ضحكت ودموعي بتنزل وقولت
وانا كمان بحبك ...بحبك اوووي .
تمت
متي_ستحبني
سولييه_نصار
