قصة بقلم رؤى محمد
المحتويات
ممكن تيجي تاخدني
أنت مين
ممكن بس تيجي تاخدني وهفهمك كل حاجة
مش هاجي قبل ما أعرف أنت مين!
هبعتلك لوكيشن دا مش رقمي تليفوني وحاجتي اتسرقوا دا رقم حد معدي بعربيته في الشارع تعالى بسرعة متتأخرش!
قفلت في وشه ومستنتش رده لو مكانه مش هاجي واحدة مچنونة بتكلمه بتقوله تعالى خدني! بس هو هيجي
لو مش هيجي من باب الإنسانية هيجي من الفضول
هو أنت اللي كلمتيني أنت مين وعايزة إيه بالظبط
توديني فندق في السخنة
أفندم
ممكن تسمعني بص أنا معرفش أنت مين ولا حتى اسمك إيه أنا اتبعتلي ماسيدج على رقمي من كام يوم فيها اسم الفندق وعنوانه وإني لازم أروح عشان فيه حاجة كبيرة هتحصل
طب وأنا مالي هو أنا ولي أمرك!
ما أنت رقمك كان في الماسيدج دي
أومال أنا وصلتلك ازاي
والمفروض أصدق اللي انتي بتحكيه دا حتى لو صدقته دي ماسيدج مبعوتالك من رقم متعرفيهوش إيه يسفرك من القاهرة للعين السخنة
نفس اللي خلاك تيجي على ملى وشك لواحدة متعرفهاش!
حط ايده ورا دماغه وقال منطقي فعلا
هتعمل إيه دلوقتي
بصي أنا مش مقتنع باللي انتي قولتيه وممكن تطلعي واحدة ڼصابة أساسا ولا تبع عصابة وعايزين تخلصوا مني
عندك أملاك
لا
شركات طيب
لا برضه
ورث من أهلك مثلا
آه ليا شقتين في المعادي
فعلا! أسباب منطقية تخلي عصابة تبعت تخطفك
أنت بتهزري
ما أنت اللي خيالك واسع!
بصلي شوية وبعدين طب هنعمل إيه
هنروح الفندق وأمرنا لله
أنا معنديش فضول عامة ومش مهتم
أومال إيه اللي جايبك
الإنسانية
بالسهولة دي
أنت عايز إيه دلوقتي
مبصليش ولف ركب العربية وشغلها ومتحركش من مكانه دقيقتين
لقيته خرج راسه من الشباك هفضل مستني كتير
بتكلمني أنا
لا بكلم الطريق يا ذكية هو فيه غيرنا في الصحرا دي
طب ما تقولي تعالي اركبي!
ما أنت شوفتيني شغلت العربية قدامك!!
وفيها إيه لما تقولي اركبي!!
بقولك إيه أنت شكلك غبية وهتتعبيني
أنت شكلك بتلف وتدور كتير علفكرا ودا مش كويس
أنا مش فاهم ليكي عين تتكلمي ازاي وانتي ممشيانا ورا ماسيدج جيالك من رقم غريب لمكان مجهول الهوية واديتك رقم حد متعرفيهوش ومسافرة معاه!
بصلي بنظرة عبيطة مش يمكن أطلع سڤاح الجزيرة
لا ما أنا ساكن في الجزيرة
بصلي لثواني واتعصب هو دا اللي لفت انتباهك! ما أنا ممكن أطلع سڤاح فعلا!!
ضحكت سوق سوق وأنت ساكت يا اسمك إيه ربنا يهديك خلينا نعدي المشوار دا على خير
ابتسم بسماجة واتحرك وبعدها بصلي اسمك إيه صحيح
رؤى
غريبة يعني
ماله اسمي إن شاء الله
هادي وأنت شكلك بتاعة مشاكل!
أنت لسه شوفت مشاكل
فرمل مرة واحدة لا أنا مبتهددش علفكرا ممكن أروحك بيتكو عادي
روحني
بالسهولة دي
فاكرني هتحايل ولا إيه
اتحايلي فعلا دا انتي جايباني على ملى وشي
ملكش دعوة بإسمي بقولك! أومال أنت اسمك إيه على الدوشة دي
مروان يستي
بصيت له من فوق لتحت شغال
مبصليش أصلا وكمل سواقة كنت شايفة في عينه التردد أنا لو مكانه مش همشي ورا الجنان دا ما يمكن يطلعوا حرامية أو هكر مثلا أو تجار أعضاء
عليت صوتي أو عفاريت مثلا
اتخض وبصلي هما مين دول ربنا يجعل كلامنا خفيف عليهم
يمكن يطلعوا عفاريت فعلا
هما مين
اللي باعتينلي
الماسيدج!
هما العفاريت معاهم موبايلات
يعني هما بيعرفوا يكتبوا
طب وبتشغلي دماغك ليه يعني
كنت بفكر أنت اللي اتحشرت!
وأنا إيه اللي هيدخلني في أفكارك
ما تقول لنفسك!!
شغل أغاني ومكلمنيش بعدين قفلها مرة واحدة وبص لي أنت موبايلك فين
مش قولتلك اتسرق
كنت بحسبك بتكدبي عليا
لا بقولك إيه كمل سواقة أحسن لك
هو أنت بنت خالتي عشان أثق فيكي
هو فيه حد يثق في بنت خالته
متابعة القراءة
