قصة بقلم رؤى محمد

جايبة الثقة دي منين أنت اشتغلتي مع أمن الدولة قبل كدا
بصيت له خلينا نكتشف بس إحنا ورانا إيه 
كمل كلمتي أدينا بنسلي نفسنا طبعا 
شاطر بقيت فاهمني 
ميلت على الأرض شيلت طرف السجادة اللي كان عليها لقيت باب خشب بصيت لمروان بانتصار وشديت الباب اتفتح معايا بسهولة وكان فيه سلم محطوط 
بص لي بتوتر ladies first 
رفعت حاجبي رجلي على رجلك أنت الأول 
بعد جدالات نزل هو وأنا نزلت وراه مكانش السلم طويل أوي نزلنا لقينا مدخل فضلنا ماشيين فيه لحد ما سمعنا كذا صوت 
سامع اللي أنا سمعاه
سامع ناس بيتكلموا آه 
طب هنعمل إيه
في المواقف دي بندخل نسألهم مثلا أكيد بنتصنت 
فعلا لولا أفكارك العبقرية لحقتني قبل ما أدخل أسألهم 
بص لي بعصبية وأنا بتكلم ولحظة وحط ايده على بوقي عشان أسكت عشان كان بيسمع حاجة بيحاول يتأكد منها 
رؤى 
ممممم
رؤى ردي!
شيلت ايده بعصبية ما تشيل ايدك هرد ازاي
رؤى أنا سمعتهم بيقولوا قرية السحر 
مالها قرية السحر
بلع ريقه بيقول هنودي الچثث قرية السحر!!
يتبع 
رؤى محمد
رؤى أنا سمعتهم بيقولوا قرية السحر 
مالها قرية السحر
بلع ريقه بيقول هنودي الچثث قرية السحر!!
عيني وسعت من الصدمة كنت لسه هصوت سكتني شاورلي إني أسكت ومتحركش وهو أتحرك كام خطوة بعيد عني ووقف دقيقتين بيعمل حاجة وبعدين جه خد ايدي وقالي هنخرج من هنا وأقولك شوفت إيه وهنعمل إيه 
شد ايدي وقبل من نطلع السلم سمعنا صوت جاي من فوق هينزل هنا زقني ورا حيطة ووقف هو الحيطة اللي قصادي ورا العمود بحيث اللي نازل أو طالع ميشوفناش 
نزل اتنين تانيين وفضلت أنا ومروان مبنتحركش ولا بنتكلم لحد ما نص ساعة ولقينا اللي كانوا في المكان جوا بالإضافة للاتنين اللي نزلوا من شوية خرجوا وقفلوا علينا الباب من فوق 
خرجت من ورا العمود مروان أنا مش هعفن هنا!
مروان! أنا لسه صغيرة وعايزة أعيش حياتي مش عايزة أبقى چثة!
مسكت كتفه بدرامية مروان وحيات أمك أنا بخاف من الأماكن الضيقة 
مروان أنا 
قاطعني إيه إيه سيبيلي فرصة أرد ما أنا محپوس معاكي 
أنت پتخاف من الأماكن

الضيقة أكيد لا أنا بقى بخاف 
ما يمكن بخاف! مخافش ليه يعني! دا إحنا محبوسين مع چثث 
الكلمة خضتني يعني إيه هيطلعلنا عفاريت وأرواح وجن وسحر
عفاريت وأرواح وجن آه إنما سحر دي صعبة 
بصيت له الحمدلله اتطمنت كدا معقولة شوية آه 
فضل باصصلي وبيضرب كف بكف وسند ضهره على الحيطة وكل شوية أبص له ألاقيه في نفس الوضع 
بقولك يا دكتور 
خير
غمزت له مش هنستكشف الغرفة المظلمة
مش كنتي لسه پتخافي منها
لا أنا بخاف من الضيقة فيه فرق 
اتحركت خطوتين قدام سمعته بيتكلم بصوت واطي لفيت له بسرعة
بتبرطم بتقول إيه أنت
بقول منك لله يا رؤى والله أنا إيه جابرني عليكي 
بصيت له بلؤم ورفعت كتافي عادي اخرج 
دا عشان مقفول علينا بتتكلمي ببجاحة!
الله ينور عليك 
خدت من ايده التليفون وشغلت الكشاف ودخلت وهو ورايا شوفت زرار دوست عليه النور اشتغل اتخضينا وفضلنا باصين لبعض 
دا مفيش چثث!
دا كل اللي فارق معاكي
بص حوالينا كان فيه زي مخططات متعلقة وصور لناس مختلفة ومعلومات عنهم اجتماعية وصحية مواعيد حضورهم ومواعيد بيكونو فيها لوحدهم 
أسلحة وسوايل في أزايز حقن وأنبولات فيها مواد معرفهاش 
إيه دا أنا كأني دخلت أوضة سفا ح 
مروان كان بيفتح تلاجة صغيرة موجودة وبيقول كأنها أوضة عمليات مصغرة 
وخرج من التلاجة أنبوبة فيها عينة ډم وشاورلي عشان أشوف لقيت عدد كبير جواها 
تفتكر دا إيه
بص حواليه بصة سريعة تجارة أعضاء 
تجارة أعضاء!!
كل المواد الموجودة بتدل على كدا والمعلومات الصحية عن الناس فيها معلومات عن فصايل دمهم نسبة الأنيميا وسيولة الډم