لم اتوقع حبه
بيوطي
عارف عدا كام سنة و كام ليل و
أنا بعيط أنك مش ليا عارف مسكت دموعي كام مرة و أنا شيفاك جنب واحدة تانية عارف قلبي وجعني كام مرة و أنا متخيله إن كام مرة الشخص اللي بحبه كان مع واحدة غيري عارف قولت كام مرة يارب حرام يارب نسيني يارب شيله من قلبي عارف أنا أتعذبت كام مليون مرة !
اتعذبت و تعبت من حبي ليك لدرجة أن كل ورد العالم مش كفاية يمحي ۏجعي ان كل كلام الإعتذار و الأسف مش
كان المرادي صوت الست سمعاه جدا واصل لقلبي و هي بتقول
فات من عمري سنين وسنين
شفت كثير كثير وقليل عاشقين
اللي بيشكي حاله لحاله
واللي بيبكي على مواله
شوفت دموع نزلت من عنيه و وقتها قلبي وجعني أكتر كأن قلبي قابل الۏجع و الدموع منه لكن ميقبلهاش له.
أوقات بنحب أشخاص لدرجة مبنبقاش عارف نبكي منهم ولا نبكي عليهم ولا منبكيش منهم عشان منوجعهمش !
عارف إني جيت متأخر .. بس جيت
عارف إن أسف مش كفاية
بس أسف
عارف إني ظلمتك .. بس مقصدتش
عارف إني صعب أخليكي ليا .. بس هحاول لأخر نفس في عمري.
مسحت دموعي و كأني استجمعت قوتي تاني بعد إنهيار لثواني
و لفيت
و قولت
متحاولش كل محاولاتك هتكون فاشلة
لأخر نفس يعنى بحبك بلغة تانية يعني مش هسيبك مهما حصل .. مهما حصل و هيحصل.
سيبته و مشيت طلعت جري و دخلت أوضتي قفلت الباب و دخلت البالكونة لقيته لسه واقف مسكت فنجان القهوة لقيته بقا بارد.
الحب زي القهوة لو بردت بنبقا محتارين نرميها بعيد عشان خلاص بردت ولا نشربها عشان رغم إنها بردت بس جميلة و بنحبها.
الاسبوعين خلصوا و جه الوقت عشان أرجع الشغل
دخلت مكتبي و أنا شايلة كومة مستندات لقيت ورقه ملزوقه على اللابتوب مكتوب عليها بخط عريض
تتجوزيني
شيلتها و كرمشتها انا بكلم نفسي
ايه شغل المراهقين ده !
بفتح اللابتوب لقيت الخلفية متغيرة ل خلفية لونها احمر مكتوب عليها تتجوزيني
تتجوزيني
وقفت و أنا مټعصبه
لاااه كدة كتير بقا
خرجت و فضلت ماشية في الشركة بدور عليه مش لقياه بعدين شوفت إسراء فروحت عندها
إسراء
أيوة
فين الزفت أخوكي
الزفت .. ما علينا تتحسدي مش مصدقه إنك بتسألي على كريم
في أوضة الإجتماعات كان قايلي إنه رايح ياخد شوية مستندات المدير قاله عليهم
ماشي
طلعت أوضة الإجتماعات دخلت و لقيته قاعد على الكرسي عند الشباك
فقولتله انت قاعد هنا ليه
لف بالكرسي و قال بستناكي
أخرة اللي بتعمله ده إيه يا كريم
قال بكل بساطة هنتجوز
ربعت إيدي و قولت بكبرياء
أنت لو أخر راجل على الأرض مش هوافق أتجوز منك
ليه
موضوع يطول شرحه و أنا معنديش وقت و بعدين ركز في شغلك
ما أنا مركز فيكي ..قصدي في شغلي
رفعت حجبي و بصتله بغيظ فقال
أيوة مركز فيكي و هركز فيكي و مش بمزاجك
بصتله بسخريه و قولت
هه شغل عيال
هتشوفي شغل العيال على حق
وقف من ع الكرسي و جه عند باب الأوضه و راح قافل الباب بالمفتاح علينا و لسه هزعقله راح رامي المفتاح من الشباك
فزعقت بصوت عالي كريم انت اټجننت!
فقال جنان بجنان بقا
و في لمح البصر لقيت نفسي بين
فضلت ازق فيه و أنا من جوايا مش عايزه أطلع من بين ضلوعه بس و لو كبريائي فضلت ازقه بعيد عني و انا بقول
سيبني سيبني س ... بحبك.
و صوت أم كلثوم دار في قلبي و هي بتقول
أهرب من قلبي أروح على فين ليالينا الحلوة في كل مكان !
سناء_حازم
قلبي كان بردان ومحتاج كف يطبطب عليه في وسط سقعة الدنيا...!!
زين الحقني مصېبة
اتخض استر يارب في ايه!!!
زين انا مبعرفش ارقص سلو
هديكي بالقلم على وشك
مالك قفوش كده ليه
مسح بايده على وشه استغفر الله العظيم.... وبعدين يا ضحى
سحبت الكرسي وقعدت مش عارفة يا زين اول مرة اخد بالي من الموضوع ده
سايبة كل مشاكل الدنيا وهي دي المشكلة اللي واقفة قدامك يا ضحى
خلاص يا زين سيبني في قوقعة حزني دلوقتي
الحزن متخلقش ليكي
قلبي اتخلع من مكانه قصدك ايه
قصدي الحزن ليه ناس تانية احلى يروحلهم
بصتله بشړ شكرا يا صاحبي أو ياللي كنت فاكرك صاحبي
مش شرط مشاكلنا الحقيقية نظهرها... مش يمكن بنغلفها بمشاكل تافهه علشان نعرف نزعل براحتنا
ضحى الحقي مصېبة
برقت بعيوني اوعي تقول انت كمان مش بتعرف ترقص سلو!!
هو انا تافه زيك
شكرا لاحترامك
بتكلم
جد
اټخضيت خير يا زين
ماما مصممة تتعرف على خطيبتي
ضحكت الشخص الخيالي اللي مش موجود صح!
للأسف
قولتلك متكدبش... طريق الكدب آخرته وحشة
قلبي وجعني عليه طب وبعدين!!
برق بعنيه ضحى
مش متفائلة
انتي الحل
زين متهرجش
هتيجي معايا البلد
بس انا مش خطيبتك
هتمثلي انك هي
بس هي مش موجودة
هنقول في الاخر اننا ماتفقناش
هتكدب تاني!.... طريق الكدب آخرته وحشة
مش قدامي غير كده ارجوكي ساعديني
وانا هستفاد ايه!!
هتساعدي مسلم يا ضحى من ضيقة
يعني اساعده واورط نفسي
مفيهاش ورطة والله
حاضر يا زين هو انا ليا غيرك اساعده
لكوني وحيدة وأهلي اتوفوا معنديش حد اعيش علشانه ولا حتى عندي صاحبة تسأل عني... معنديش غير زين اللي طريق الصدفة وقعه في طريقي فبقينا أصحاب..!!
جاهزة!!
عيب عليك يا زميلي
المفروض انها خجولة
انا كده همثل اني خجولة وده عكس طبيعتي..!!
معلش تعالى على نفسك واتكسفي زي البنات
هما ازاي صدقوا انك خطبت من
غيرهم
هما هدفهم الوحيد اني استقر ازاي ومين مش هتفرق معاهم
خاېفة
غريبة وتتسجل في التاريخ انك خاېفة
علطول ببقى خاېفة بس مش لازم اقول
في حاجة يا ضحى
ابتسمت يلا ننزل يا زين
بصتلي وابتسمت زي ما زين وصفلي بالظبط
لا انتي من اولها كده هتتكسفي... زين قالي انك خجولة بس مش كده
انا خجولة!!! انتو بتهرجوا....!!
احكيلي عرفتوا بعض ازاي علشان زين كتوم ومش بيحكي حاجة
بنشتغل مع بعض في شركة واحدة بس
زين مش بيبطل كلام عنك
ممكن اعرف يا طنط كان بيقول ايه!!
ابتسمت كان بيقول انه خلاص قابل عوضه في الدنيا
عوضه!!
هو مقالكيش!!
قالي ايه!!
زين رافض مبدأ الحب والجواز أصلا
انا عارفة كده بس مش عارفة ليه
لمعة عينيها انطفت ورجعت تكمل تاني علشان انفصالنا انا وبابا للأسف لحد دلوقتي مأثر عليه... انا عارفة انه اتظلم بس انا حاولت اعوضه رغم اني متأكدة اني عمري برضو ما هكون كافية
مين قال انك مش كافية
سكت وبعدين كملت بصوت عياط
على الأقل هو مخسرش الناس كلها لسة في ناس بتحبه وعنده ام بالدنيا
كلامك يا ضحى بيدخل القلب... انا عرفت ليه زين اختارك واتاكدت انه عنده حق
اكتفيت بأني ابتسمت وفركت ايدي بتوتر ولكن هي كملت
وانتي يا حبيبتي معندكيش لا أهل ولا صحاب
ابتسمت بحزن اهلي اتوفوا من ٥ سنين في حاډثة ومعنديش غير خالي بس مسافر فأنا عايشة لوحدي
وأصحابك!!
كان عندي واحدة بس حصل خلافات بينا وبعدنا.. ربنا يرزقها بواحدة احسن مني
انتي طيبة اوي فعلا وممكن لو ميضايقكيش تحكي انا حاسة بيكي بس مش عايزة اتقل عليكي واضغط عليكي لو مش حابة
ابتسمت خالص والله انا حبيتك
والله وانا رغم اني لسة شايفاكي من شوية بس
انا نظرتي في الناس عمرها ما تخيب ابدا... يلا احكي
هي مشيت علشان تدي فرصة لناس تانية تظهر في حياتي واحبهم... هي مشيت علشان دورنا في حياة بعض خلص مش اكتر... لما رجعت تكلمني تاني وعيزانا نرجع رفضت بكل قوة ووقتها استغربت وقالتلي عمرك ما كنتي كده عمرك حتى ما عتبتيني وقتها قولتلها حاجة واحدة بس انتي بايدك اللي خسړتي مكانتك عندي وانا اللي في أيدي دلوقتي ارجعها أو لا وانا عمري ما هرجعها...
مكنش في أي فرصة ترجعوا وتسامحيها
خالص.... هي اكدتلي اني كنت صح لما بعدت... اتكلمت عليا في ضهري بعد ما بعدنا.. كان شكلي وحش وقتها وهما بيقولولي دي اللي كنتي بتدافعي عنها لآخر لحظة وبتقولي انها بتحبك.... اللي بيحب عمره ما يتكلم في ضهرك حتى لو بينكم كره الدنيا.... حطتني في موقف لا انا قادرة ادافع عنها ولا عن نفسي حتى...
شايلة كتير في قلبك يا ضحى
كل واحد جواه حروب وصراعات مش شرط يبينها للناس
حاسة اني شايفة نسخة تانية من زين قدامي
قعدتنا مع بعض أثرت عليا
طب تعالى اوريكي اوضتك
سألتها بتردد طب وزين!!
مټخافيش هو هيقعد مع جده تحت
دخلنا الاوضة لقيت كتب كتير... ايه ده انا ما صدقت خلصت تعليم ليه اشوف كتب تاني..!!
كتب مين دي!!
كتب زين
برقت هي دي اوضته..
ضحكت لا دي اوضة تانية بس هو كان بيحب يذاكر هنا علشان البلكونة
طب وليه ما اخدهاش كلها اوضة ليه
مبيحبش اوضته تبقى زحمة وبيحب يفصل
اه فهمت
اسيبك بقى براحتك... عن اذنك
مشيت وانا روحت اقلب في
الكتب لقيت ملخصات كان كاتبها... واضح ان خطه حلو من زمان
لقيت ورقة وقعت من الكتاب جبتها وفتحتها لقيت مكتوب فيها
المۏت مش شرط مۏت چثة
انا مېت لكن الناس مهيش حاسة...!!
يمكن انا اعرف زين بقالي سنتين بس كل يوم بتفاجئ بحاجة جديدة في شخصيته وحاجة جديدة جارحة قلبه من ماضيه
زين انا مش عايزة اجرح مامتك حرام
لا اجرحيني انا يا ضحى
الموضوع هينتهي امتى!!
اخد نفسه بقوة مش عارف... مش عارف
حسيت اني ضغطت عليه زيادة فضحكت سوا يا صديقي نغامر مع بعض واللي يحصل يحصل
بص في عيوني وابتسم معنديش غيرك باقيلي يا أوفى صديق ليا
حاولت اتغاضى عن كلمة صديق بس هو فعلا شايف انه ملوش غيري باقيله!! يعني انا فعلا قدرت أنجح في حاجة ومش فاشلة زي ما بيقولوا!! يعني انا صاحب وفي بجد!!
كنت بتكلم في التليفون وحاولت ابعد علشان اعرف اتكلم فسرحت وانا مش عارفة فين
بس انت يا خالو منزلتش الاجازة اللي فاتت
معلش
يا حبيبتي الشغل بقى هعمل ايه
كده سنتين يا خالو وانت اللي باقيلي
اوعدك هحاول السنة الجاية أو في أقرب فرصة ممكنة يا ضحى
ابتسمت بكسرة ماشي يا خالو توصل بالسلامة في الوقت اللي تحبه
قفلت معاه وانا جوايا دموع محپوسة مش بس في عيني لا دي في قلبي ومش عارفة اطبطب عليه واقوله يهدى.... بصيت قدامي لقيت زرع والدنيا هادية سندت تحت شجرة وعيطت... عيطت كتير مش بس بحجم زعلي اني وحيدة... عيطت بحجم تعب قلبي ووجعه...!!
لقيت حد طبطب على كتفي اټخضيت وبصيتله لقيت زين فقلبي رجع مكانه وهو قعد جنبي
مالك
مفيش
ودموعك
بدون سبب
اهبل
انا علشان أصدق
لا يا زين انا كدابة فعلا انا تعبانة اوي
ضحك الكدب آخرته وحشة
ضحكت في وسط دموعي بس
هو رجع براسه لورا وسند على الشجرة وغمض عيونه واتكلم
دايما بقول المۏت مش شرط مۏت چثة
قلدته في كل حركة
عملها واتكلمت بهدوء
انا مېت لكن الناس مهيش حاسة
فتح
عيونه بسرعة وبصلي بتوتر
انتي..
قاطعته شوفت الورقة
ازاي
اتنهد طب يلا نروح
يلا
روحنا وعدي اسبوع بس لأول مرة اشوفه واعرفه فعلا شوفته وشوفت حبه لمامته وشوفت تعامله معاها.... حسيت بحاجات كتير وأولها بالأمان حبيت ضحكة مامته وهو بيعاكسها حبيت دعواتها ليه وهو نازل ... حسيت انه ملجأ فعلا من شرور الدنيا... وحسيت بدقات غريبة في قلبي لما بكون في قربه.... حسيت بحاجات كتير مكنتش ينفع تتحس
كنا قاعدين بنفطر كلنا وفجأة مامته اتكلمت
يا ولاد لازم نعمل حفلة خطوبة هنا وننزل نشتري الدبل احنا مستنين ايه طالما خالك مش هيعرف ينزل يا ضحى
بصيت لزين بتوتر على أمل انه ينقذني بس رده فعله كان غريب.... كان بيبصلي
بس يا طنط
قاطعتني مفيش بس انا هقوم أبلغ جدك يعزم الناس والخطوبة تبقى الأسبوع الجاي
قامت ومبقاش غيري انا وزين وهو قام ولسة هينزل وقفته بسرعة
خاېفة اللعب والتمثيل ده يتقلب علينا يا زين
لأول مرة يا ضحى هبقى بختار الحل التاني الحل اللي مكانش في بالي... لأول مرة هدعي يارب تتقلب جد
طب وانا
هتبقى بتساعدي مسلم من ضيقة يا ضحى
لفيت الناحية التانية واديته ضهري
لأ يا زين التطوع بطلناه خلاص
هعلمك ازاي ترقصي سلو
اتوترت مش عايزة
هترجعي خطوة زي كل مرة بتهربي فيها
مبهربش..!!
وانا هطلع في نفس الوقت خطوة زي دقة قلبي اللي بتطلع من مكانها وفي يوم هتخلع قلبي في مرة بسببك
زين انا...
قاطعني هتبصي في عيوني وعيونك هتتحرك ١٠ مرات في الثانية كعادتك لما بتبصيلي
عيونك اللي بتوترني..
قاطعني للمرة التانية وانا هفضل ابصلك لخۏفي تكوني حلم جميل ويختفي فجأة من حياتي بعد ما استنيته عمر بحاله
المرة دي انا اللي مسكت ايده جامد عكس طبيعتي وقاطعته والحلم اللي حلمته في يوم والخيال اللي رسمته اتحقق
ضحك واخد عقلي معاه وامنيتك اتحققت وبقيتي اجدع واحدة بتعرف ترقص سلو
ودلوقتي!!
نزل على ركبته ورفع كف ايده بانتظار كفى يكمل باقي الدعوة واتكلم
نرقص!!!
كفى غرق بين كفه وابتسمت
نرقص
وحبي لم يكن عابرا ولم أكن شخصا وانتهى واعلم أن عشقي لك زاد حد المنتهى
ضحى_كارم
كدا خلصنا متنسوش رأيكم في التعليقات بعد تتمت القراءة
