ولقلبي سلام فدوى خالد
فى البيت
متشغلش بالك.!
مشيت و أنا بحاول أكتم دموعي و معيطش بس فى نص الطريق دموعي خانتني و عيطت قعدت على الرصيف و حطيت إيدي على وشي و بدأت أعيط صوت عياطي علي و حسيت بإيد عليا...رفعت رأسي لقيت ست ملامحها هادية قالتلي
مالك
مفيش أنا لازم أمشي!
استني بس
لفيتلها
نعم.!
أنت يمنى
اة..حضرتك تعرفيني
اة..مش أنت بنت عبدالمنعم جارنا!
اة..لسه ساكنة قريب مالك
مفيش تعبانة شوية..هستأذنك أطلع.
تمام يا حبيبتي و لو احتجتي حاجة كلميني
ماشي.
طلعت و أول ما فتحت الباب و دخلت لقيته قاعد مع بابا فقولت ببرود
نعم! راجع لية
قام وقف و قال لبابا
لو سمحت يا عمي عايزة أكلمها لوحدنا
بابا طلع و هو بيبصلي بټهديد أني معملش مشاكل عارفة عقۏبة دة كويس بس لازم ننهى الأمر دة
لسة بحبك
ضحكت
بجد..بتحبني بره
استني بس اشرحلك...
ب...ر...ه أفهم بقا و لم باقي كرامتك قبل ما بعتر بقيتها فى الأرض و إياك تيجي تاني
خرج و هو متعصب و بابا جيه و قعد يزعقلي من السكات دخلت أوضتي و متكلمتش!
مسكت تليفوني و اتصلت ب نورا
الو يا نورا
اتكلمت بقلق
مالك تعبانة
عيطت
محتاجة حد يبقى جمبي
أجيلك
لا نتقابل بره.
مش هعرف أجي.!
هبعتلك عربية و بليز تعالي
ماشي.
غيرت هدومي و لبست و استنيت العربية و روحت بيتها قابلتني و هى بتحضني جامد
مالك
بصيتلها و عيني كلها دموع
تعبانة
لية حصل أية
عيطت فكملت
تعالي معايا فوق
روحت و بدأت احكي
حسام خطيبي رجع
أنت كنت مخطوبة
من سنتين و سابني يوم الخطوبة و كسر قلبي.
و بعدين
راجع يكسره أكتر.
بصيتلها بحزن
لا..قولتله هتمشى و هو مش فارقة معاه أصلا.
طيب أية إل يريحك دلوقتي.
قبل ما أتكلم الباب فتح و دخل أدهم
نورا كن.....
إية دة جيتي ازاي
وقفت و أنا حاطة إيدي فى وسطي
بالعربية يا دكتور.
يا سلام...و جاية لية
أعمل رز بلبن تأكل
بت أنا مش فايقلك.
نينينيني..على أساس أني واقعة فى
غرامك.
غمزلي إل مشمحترم
و مشي و هو بيضحك!
هو أنا أحمريت لية يا جماعة حد يقول حاجة!
لفيت ل نورا لقيتها بتضحك فاتعصبت
اسكتي...دة مستفز و غب ي على فكرة
مين قلبت طماطم من شوية.
بس.!
كدة صح أنتوا تتجوزوا و أخلص منه و منك.
لقيته دخل على جملتها
أنا موافق.
بصيتله و لسه هرد سمعنا ضړب ڼار تحت و أدهم بص ل نورا پصدمة و صوت عالي
نزلنا تحت كلنا بس المفاجأة كانت حسام مش باباه بصيتله
أنت بتعمل أية هنا و المسډس دة ليه.
رد
عشان بحبك يا يمنى بحبك أوي و أنت مش راضية تديني قلبك أنا بحبك و هخليني أحبك.
نزل المسډس.
لا..مش هنزله أنت هتيجي معايا عشان أنت بتاعتي أنا و بس فاهمة
أتكلم أدهم بعصبية
أنت دخلت ازاي
ضحك
غفلتهم كلهم و دخلت دة كله عشانك
أنا بكرهك.
و أنا بحبك يلا معايا أو حد فيهم ....
قاطعته
ح..حاضر...بس..أبعد عنهم
أدهم بصلي و قالي
أنت بتقولي أية أنا مچنونة دة ممكن يعمل حاجة فيك.
رد حسام پغضب
و أنت مالك أنت بخطيبتي
رد ببرود
دي مراتي
عارفين لما حد يدلق عليكم ماية ساقعة هو دة كان شعوري
رد پصدمة
أنت بتقول أية دي خطيبتي اة...عشان كدة مكنتيش عايزة ترجعيلي أنت خاېنة و تستاهلي المۏت.
وجهه ناحيتي فغمضت عيني و سمعت صوت المسډس بس أغمى عليا!
فتحت عيني و أنا واعية على ناس بتنقلني للمستشفى واعية على صورة أشخاص فى دماغي بس يا ترى دة كله أية
فوقت لما شوفت كله حوليا فعلا أية دة هو فى أية فى حاجة غلط
بصلي أدهم بحب
حمد لله على السلامة يا حبيبتي
بدأت افتكر تدرجي و أنا حاطة إيدي على دماغي
أية حصل
أنا أخر حاجة فكراها أن حسام كان.....
قاطعني
الذاكرة رجعتلك
ثانية واحدة هو فقدت الذاكرة يا أدهم
ضحك و هو بيحضني
دا أنت طلعتي عيني
الله يسامحك
أية دة أنا مش فاكرة أي حاجة لما فقدت الذاكرة
الدكتور قال أن دي حاجة طبيعية مفيش قلق خالص...دا أنت بهدلتينا.
اتكلمت نورا
الله يسامحك يا شيخة على ذاكرتك دي كان لازم تتفقد...أهو أنا اتدبست فى حتة العيل إل حلتك شهرين
يااه...شهرين
ضحكت
دا أنت رجعتي شقية زي ما كنت فى الكلية
رديت
ثانية واحدة أنا أخر حاجة فكراها أن حسام ضړبني بالمسډس.!
رد أدهم
أيوة دة حصل من شهرين و بعدها الحمد لله فوقتي بس مكنتيش فاكرة حد فينا و الدكتور قال أنه مكنش فى سبب مقنع أنك فقدتي الذاكرة غير أنك ممكن نفسي و خۏفك من الوقع خلاكي تهيئي دماغك أنك تنسي كل حاجة.
و اتفقنا أننا هنحاول نصلح جزء من الأحداث دي و هنقطع نصها يعني ظبطنا طبعا مع الجامعة و حاولنا نقلد المواقف إل حصلت ما بينا
و قطعنا فترة جوازنا و فترة إل خلفتي فيها ابنك و بدأنا نعيد موقف حسام تاني.
و جيبتوا حسام تاني ازاي
أنت نسيتي أنه ليه أخ توأم و جيه يعتذر و حاول يصلح إل عمله و حقيقي ساعدنا.
اة...كل دة حصل
ابتسم
ايوة.
و استحملت
دة عشانك.
بتحبني يا أدهم.
كنت مشتاق لعيونك.
عيونك لسه زي ما هى.
هتقولي أية لواحد واقع فى حبك.
هقوله أني بحبه.
و ظل قلبي حائرا حتى لقائك فأستكان.
