مغامرات ابناء العاصي بقلم مياده العاصي

الجاتوه موافقتها علي ايه يا عدي
دانا بفرحه عدي طلب موفقتي علي خطوبته ليا يا مامي وانا وافقت
دارين مبروك يا حبايبي الف مبروك واذا بها تضمهم اليها و تقبلهم في وجنتهم.
عدي الله يبارك فيكي علي فكره عمو احمد عنده خبر بالموضوع من زمان ومتفق انا وهو علي ان الخطوبه تكون بعد النتيجه
دانا بقى كده ومخبين علينا انتو الاتنين ماشي لما بابي يجي بس

دارين ههههههه كان لازم يخبو عشان متنشغليش بيه عن المذاكره
دانا وانتي كمان يا مامي كنتي عارفه
اتاهم صوت احمد بعد ان حضر طبعا يابنوتي هو انا اقدر اخبي حاجه علي مامي الف مبروك يا حبيبة قلبي
دانا ربنا يخليك ليا بابي
عدي طب استئذن انا بقي عشان اطمن علي بنات اخويا هما كمان
دانا لاء خليك كمان شويه واتصل بيهم
عدي طب ايه رايك تيجي معايا نطمن عليهم سوى وتفرحيهم بنجاحك وابقي ارجعك تاني او زين يرجعك بعد اذنك يا عمي طبعا
احمد ماشي يا عدي وعلي فكره عاصي كلمني وقالي انهم نجحو وحدد معايا معاد الخطوبه كمان
دانا يا نهار مفاجآت حلوه انا هاروح البس واجي بسرعه
لأول مره تركب سيارته تجلس بجانبه في المقعد الامامي
عدي وهو يضحك ياه اخيرا عرفتي اني بحبك اخيرا هنتخطب لبعض ده كان جبل وانزاح من علي قلبي
دانا بخجل علي اساس انك مش عارف اني بحبك
عدي بمكر ايه بتقولي ايه انا ماسمعتش
دانا لاء سمعت واسكت بقي عشان انت عارف من زمان اصلا بس انت اللي كنت بتحب ترخم عليا
عدي بس هي مش اسمها برخم اسمها بغير عليكي
تعرفي انا ماكنتش ناوي اتكلم مع عمو احمد ولا حتي اعرفك حاجه بس اللي خلاني اعمل كده لما حسيت انك هتضيعي من ايدي وان الطيار ده كان عايز يخطبك
دانا وانا اول ما بابي قالي رفضت من غير ما افكر انا اصلا مكنتش بطيق البني ادم ده
عدي بجديه ولا البني ادم ده ولا غيرو مافيش غير عدي وبس ماشي يا حبيبتي
دانا بحب ماشي يا حبيبي
عدي الله الله امتي بقي السنه دي تعدي وتبقي معايا علطول وتيجي تنوري بيتك في الجماليه
دانا پصدمه بيت ايه اللي في الجماليه انت مش هاتجبلي ڤيلا زي زين وتيا
عدي والله يا حبيبتي لو الجماليه فيها فلل كنت جبتلك بس انا قولت لعاصي وحمزه اني ناوي اهد البيت اللي ورثته من جدتي واخليهم يبنو مكانه عماره كبيره وهاخد اخر دورين وافتحهم علي بعض
زي نظام الدوبلكس يعني
دانا بزعل بس انا مقدرش اعيش في الجماليه دي علطول طب
مابدل ماتهد وتبني ماتبيعه وبفلوسه نجيب ڤيلا في زايد جنب مامي
عدي اه جنب مامي طب والوكاله وشغلي فيها وابويا ولا عايزني اسيبه لوحده وهو في سنه ده
دانا انا ماقولتش كده يا عدي بس يعني ماهو يعني اخواتك الكبار موجدين بيقعدو بردو في الوكاله
وبعدين انت هتبقى دكتور ازاي دكتور وتشتغل في وكاله تشيل دقيق ورز
عدي اولا الشغل مش عيب ولا حرام وانا مش بشتغل حاجه استعر منها ودي شغلانة ابويا واخواتي
ومنهم واحد مهندس وواحد محاسب وشركتنا مشاء الله كبيره ومع ذلك لو ابويا احتاجهم في اي وقت مش بيتأخرو ابدا عن الوكاله
وعلي العموم يا دانا احنا لسه في الاول فكري لو مش عجبك كلامي اعتبري انه ماحصلش حاجه بينا ولا اني كلمت بابكي اصلا في حاجه
فضلت الصمت ولم تنطق بكلمه وتبدلت قسمات وجهها من الفرح الي الحزن
بقلمي ميادة مأمون
وصل بسيارته الي بيتهم ومزال وجههم متهجم هو من الڠضب وهي من الحزن
عدي يلا اتفضلي اطلعي عشان انا هادخل اشوف شغلي
دانا بدهشه انت هاتسيبني اطلع فوق لوحدي
عشان خاطري يا عدي ماتسيبنيش اطلع لوحدي احنا اول مره نيجي مع بعض
عدي معلش اصل ابويا قاعد جوه الوكاله هو واخواتي ولازم اعدي عليه قبل ماطلع ومش هاقدر اغصبك واقولك تعالي سلمي عليهم
دانا لاء طبعا انا اصلا من غير ماتقول كنت هاروح اسلم عليهم وتقدمته في الخطي واتجهت الي داخل الوكاله
رؤوها وهم جالسون تدلف معه اليهم ليصيح الحج فضالي
اهلا اهلا بعروسة ابني الجميله تعالي في حضڼي يا حبيبتي الف الف مبروك يا دانا
دانا بفرحه من كلامه الله يبارك فيك يا جدو ياحبيبي انت
عاصي وهو يجذبها اليه ههههههه جدو ايه بقى يعني خطيبك بيقوله يا بابا وانتي تقوليله يا جدو مبروك يا عروسه
حمزه ياعم سيبها تقول اللي هي عايزاه المهم انها بقت بنتنا خلاص مش كده ولا ايه يا دانا
كادت ان ترد عليهم بفرحه الا انه صدمها بكلامه هذا
عدي بسخريه لا لسه مابقتش بنتكو سيبوها براحتها
دانا پصدمه من كلامه طب عن اذنكو انا هطلع للبنات فوق
عاصي وهو ينظر لأخيه پغضب اتفضلي يا حبيبتي اطلعي روح معاها ياعدي طلعها وابقي انزل تاني انت وعاصي وزين
اومئي برأسه له واتجه بها الي الاعلي.
يتبع
الفصل الخامس والثلاثون
صعدو اليهم وهي مازالت مصدومه من كلامته ألهذا الحد هو مرتبط بهذه المنطقه الشعبيه
بل و