بقلم فاطمه الالفي
المحتويات
تتقرر تانى ياجدى وحضرتك ياعمى
سالم .انشاء الله ياولدى
احمد .سلم على الكل هناك ياعمى وبالأخص مراتى ماشى
سالم .يوصل سلامو عليكو
مر يومان بدون أى تغير فى حياة غصون
وجاء يوم الذهاب إلى الجامعة لبداية العام الدراسى الثانى..
واصطحبها عاصم معة وهو فى طريقة إلى المستشفى..
عاصم .خلى بالك من نفسك وصلنا اتفضلى وخلى الفلوس دى معاكى لو احتاجتى حاجة ماشى خليكى قوية واوع حد يدايقك ولا يقل ادبة اتصرفى ماتسكتيش عشان مايبنش انك ضعيفة ولو حد تطاول عليكى انا هاجى اربية مع السلامة ياحببتى
عاصم .اتلم بدل مااتغابة عليك
احمد بهزار .الحقينى ياغصون اخوكى بيتهزء هههههه
غصون .ههههه سلام بقى هتفضحونا..
.....
دلفت لداخل كلية تجارة عين شمس
اول مرة تخطى قدمها داخل الكلية مثل التائهة لا تعلم اين تبدأ فهى قد تعودت على كليتها باسكندرية وتحفظ كل شبر بها والان دخلت عالم جديد عليها فى القاهرة
وعلمت مكان المدرج وذهبت الية وجدت طلاب كثيرا تدلف المدرج وجلست فى البنش الثالث بجانب فتاة
الفتاة .انتى غريبة اول مرة اشوفك اوعى تكونى غلطانة هنا الفرقةالتانية تجارة
غصون بابتسامة. ايوة انا معاكم هنا بس انا محولة من جامعة اسكندرية
غصون تمد يدها وتصافحها. وانا غصون
روان .اسمك حلو اوى
غصون .شكرا ممكن نبق أصحاب انا لسة جديد وماعرفش حد هنا ممكن
روان .طبعا ياحببتى نبق اصدقاء تيمز كمان هههه
حضر دكتور المادة
دلف الدكتور والجميع يتطلع الية فى انبهار
نظرت غصون الى الدكتور وشعرت بالصدمة !!
الفصل الثالث عشر
داخل المدرج
توجة الدكتور وبعد القاء السلام على الطلاب .
الدكتور .انا دكتور وسيم احمد حسين هدرسلكم ادراة اعمال وطبعا معاكم لحد التخرج ومش عاوز حد يدخل بعدى المحاضرة تمام نبدا بقى المحاضرة ...
وأثناء المحاضرة نظر إليها وسيم پصدمة وكان يتخل وجودها فتأكد انها موجودة بالفعل هل هى طالبة معة فى نفس الجامعة التى سيدرس لها هل هى حقا ام يتخيل وظل ينظر عدة مرات لها وتابع اتمام شرح المحاضرة ..
كانت تسمع إلى صديقتها فى زهول فهل هو دكتورها بالجامعة وهى كانت زوجتة ولا تعلم يا للسخرية ...
روان .اية يارايك ياغصون فى الدكتور الموز دة يالهوى علية جوز عيون الله حلو اوى
غصون .ماخلاص بقى ياروان ركزى فى الشرح بدل الشكل احسن
بعد ساعة انتهت المحاضرة وبدأ الطلاب فى مغادرة قاعة المحاضرات...
ذهب شاردا إلى مكتبة وقام بالاتصال على اختة يمن ليستفسر عن حقيقة الأمر...
وبعد دقايق جاء الرد
يمن .ايوة يا وسيم انا عندى جلسة علاج مع مريض فى حاجة
وسيم. مش هطلعك بس انتى عارفة ان غصون بتدرس تجارة وماقولتيش
يمن. ايوة عارفة من قبل الفرح بس قولنا هتعرف لوحدك لم تتعرف على مراتك بس لية بتسأل دلوقتى
وسيم. مش عارفة انها طالبة عندى كمان سنة تانية
يمن .هى عندك كنت فاكرة فى جامعة القاهرة عاصم ماقلش انها اى جامعة
وسيم .معايا فى الجامعة
يمن .ودة حاجة تزعلك ولا تفرحك
وسيم .مش تفرق خلاص
يمن .بس حاليا انت جوزها وتقدر تقرب وتحبها وتحببها فيك لو عاوزها فعلا لكن لو خلاص رضيت ومقتنع بالطلاق انت حر بس احب اقولك هتخسرها بجد وراجع نفسك سلام عشان المړيض ..
...............
ظل شارد يفكر فى كلمات اختة ...
روان تعالى نروح كافية الجامعة واعرفك على باقى الشلة
غصون .عندنا محاضرة كمان ربع ساعة
روان .ياختى لسة ربع ساعه نقعد شويا ومش اولها دح كدة ادى نفسك فرصة للروشنة
ذهبت مع روان إلى كافيتريا الجامعة وجدت تربيزة عليها شبان وفتاة
روان .هاى
الشباب .هاى
روان .اعرفكم غصون محول من جامعة اسكندرية وبقت صحبتى
اعرفك ياغصون. حازم البوى فرند ويوسف وساندى كابل
يوسف بنظرات اعجاب يمد يدة .اهلا بيكى فى شلتنا ياغصون
غصون بيد مهزوزة فليس من عادتها ان تسلم على شاب
يوسف ضغط على يدها واستغربت من هذة الفعلة
علم يوسف انها متوترة واول مرة تمسك يد شاب فهو خبرة فى معرفة البنات ..
صافحتها ساندى ببرود وصافحها حازم أيضا
روان .اقعدى بقى نشرب حاجة زومة هيعزمنا مش كدة ياحبيبى
حازم .طبعا ياروح تشربو اية
روان .لا شكرا عندنا محاضرة هتيجى ولا لاء ياروان
روان .كبرى ياغصون مش من اول يوم ارحمى امى
غصون .براحتك عن اذنكم
ساندى. مالها دى
يوسف .جد اوى
حازم .مش راكبة معاكى يارونى
روان .هههههه بس طيبة وقفل انا هفتح بقى القفل دة
يوسف لنفسة .شكلها خام اوى وبتتكسف دى نادر لم نقابل بنت بتتكسف كدة وشكلها كانت بترتعش وهى بتسلم علية اول مرة تلمس أيد راجل
البت فعلا خام ومش خبرة زى ساندى ولا روان
ساندى. جو حبيبى سرحت فين
يوسف .لا معاكم ماتيجى نحضر المحاضرة يا حازم
حازم .ههههه ناوى تتخرح بقى السنةدى ياعم يوسف
يوسف. ناوى اصل ابوى يعلقنى ههههههه مبلط فى الخط بقالى سنتين هههههه
ساندى .طب خليك معايا شويا
يوسف .سورى لازم ارفع رأس ابويا
حازم .بينا يابن عمى سلام يارونى
روان .باااى حبيبى
فى مدرج الفرقة الرابعة
يوسف .تعالى هنا رايح فين
حازم. هندخل المحاضرة
يوسف .ماعندناش محاضرات انهاردة اصلا ههههه انا حبيت نخلع بس
حازم .وانا بقول بردو مش معقول تبدا جد يابن عمى
يوسف .بصراحة اتختقت
من ساندى
شوفت الوجة الجديد أبو غمزات ياخرابى
حازم .تقصد غصون
يوسف .هى غصون بعقل دة غصن رقيق خالص وجميل خالص واسكندرنية يعنى مزة المزز ههههه
حازم .لو ساندى سمعتك هتعلقك من قفاك هههه
يوسف .ياعم ساندى دى سلعة رخيصة وانا خلاص زهقت منها
حازم .وناوى تلزق بقى لغصون
حازم .بس اسكت الله يحرقك احنا فى الجامعة انا مش زيك معملتش حاجة مع روان غير اخيرا مسكة ايد بس انا قليل الادب اصلا
حازم .انا جد مع روان وبحبها مش بلعب بيها وهفاتح بابا بس لم اتخرج بقى عشان اكون جاد وقد كلمتى
يوسف .انت حر لكن انا من الاول بسالة بساندى استحال اتجوز واحدة تفرط بكل حاجة بسهول دى دايسة يااابا
ومش بعيد تكون مشت مع غيرى كتير مايغرش جو النحنحة دى سهوكة انا صايع وعارف كل حاجة
حازم .هههههه فعلا صايع طب متخيل ان صاحبة روان هتكون بديل لساندى
بقى
يوسف .عاوزك بقى تخلى روان تجيب قرارها ماشى ومالكش دعوة والباقى بقى
حازم .انت اتهبلت يابنى انت اروح اقول لروان هاتى كل حاجة عن صاحبتك عشان يوسف ابن عمى عاوز يجر رجلها انا انت متخلف
يوسف .ياعم مش بالظبط انا قصدى مرتبطة مخطوبة مصاحبة رغم انى اشك بس معلومات عادية ساكنة مع مين كدة
...............
بعد انتهاء المحاضرة
حاولت الاتصال على اخيها ليوصلها إلى المنزل
روان. مالك فى اية
غصون .اخويا قال
لم اخلص اتصل عشان يجى يوصلنى
روان .طب استنى معايا هخلى حازم يوصلك معايا
غصون .لا شكرا مش هركب مع حد
روان .يابنتى ماتبفيش لخمة كدة حازم زى خطيبى
غصون .يعنى اية زى ماهو لا خطيبك او لا وبعدين لم بتحبى حازم كنتى بتعاكسى الدكتور لية ها
روان .هههه حد يشوف دكتور وسيم ومايعكسوش دة قمر
يخربيتة
غصون. مش بالجمال على فكرة الجمال مش كل حاجة
روان .بس بردو الشكل مطلوب لم تكونى ماشية مع شاب قمر
متابعة القراءة
