الطائر المهاجر الفصل الثالث والثلاثون
المحتويات
وعجولها تعملك انتي كومان يا سلمى...
انصرفت سلسبيل الى الاسفل لتنظر سلمى الى سلافة وتقول بخفوت
مش ناوية تهدي بقه وتسمعي لابن عمك بقه....
احتدت سلافة كعادتها كلما ذكر اسمه
بقولك إيه يا سلمى انتي تعبانه والدكتورة مانعه الانفعال عشان خاطري بلاش كلام في السيرة دي دلوقتي...
زفرت سلمى بضيق
مينفعش يا سلافة اذا كان بابا نفسه لما هدي قبل أسف غيث سلافة حبيبتي أنا مش بقول أنه مش غلطان لكن حماتك العقربة دي لعبتها صح فاكرة لما قولتيلي نفس الكلام بعد خناقتي انا وشهاب اللي كانت بسببها... هما ولادها يا سلافة ولا يمكن ييجي في دماغهم أبدا ان أمهم ممكن تخطط لخړاب بيتهم أو تعمل حاجة زي كدا حتى عارفين ومتأكدين أنها بتكرهنا جوزك سايبك براحتك خالص من اول مرة حاول يكلمك وانتي رفضت وقال لبابا انه مش هيسيبك براحتك انتي لازم تقعدي معاه وتتفاهموا سوا وبصراحه انا اتكلمت مع شهاب وقلت له أنه قعدتي هنا في البيت بقيت مستحيلة دي بقه مشكلته هيقنع جدي بيها ازاي لانه لو جدي وافق محدجش يقدر يعترض انتي كمان اعملي زيي...
ربنا يسهل يا سلمى ما تشغليش بالك انتي...
سلمى بحب
ربنا يهدي سرك يا سلافة....
وفي الغرفة المجاورة لهما حيث رؤوف وألفت كان رؤوف يسر لألفت بمخاوفه من أن يكون قد تسرع بزواج ابنتيه من أولاد عمهما قالت ألفت بحب
روؤف ما عادش له لزوم الكلام دا البنتين اتجوزوا وواحده منهم حامل ولاد أخوك مش وحشين وأخوك حاططهم فوق ولاده والحل اللي قالته سلمى لشهاب لما جالها بصراحه كان المفروض أننا نقوله من الاول البنتين مالهومش عيش في بيت واحد مع حماتهم وبعدين وعسى ان تكرهوا شيئا وهو خير لكم يمكن اللي حصل من مرات اخو كدا عشان الحاج والحاجة ما يعارضوش ان الولاد يسكنوا في بيت لوحدهم بره...
عارفة يا ألفت.. يوم ما ضړبت سلافة كنت حاسس كأني بحلم!!!.. أنا عمري ما تصورت اني ممكن أمد إيدي عليهم في يوم أنا معملتهاش وهما صغيرين أعملها بعد ما كبروا واتجوزوا كمان!!!!!
ألفت بهدوء
انت أبوها وهي مهما كبرت هتفضل بنتك اللي وقت ما تحس انها لازم تتقوم هتقومها...
رؤفو بشرح مفصل لما فعله
انتي عارف أنا ضړبت سلافةليه.. مش عشان انها صغرت بيا قودام الكل وبس لا... أنما شوفتها في عين جوزها يا ألفت!.. غيث كان على شعرة أنه يمد ايده عليها ويضربها قودامي كنت بين نارين أني أسيبه يعملها وهو قودام الكل بيدافع عن أمه حتى لو كانت غلطانه وبين أنه لو فعلا عملها يبقى كدا علاقته ببنتي اتعرضت لزلزال عڼيف!!... في لحظة لاقيت ربنا ألهمني الحل قلمي أنا ليها هو اللي فرمله.. أنا شوفتها في عينيه.. كان هاين عليه ېصرخ في وشي.. وياخدها في حضنه... غضبه برد... كان لازم القلم دا يا ألفت يمكن أكون وجعتها وقتها لكن رحمتها من ۏجع أقوى وأعنف لو كان القلم دا جاه من جوزها!!!...
ربنا يخليك ليهم يا رؤوف وما يحرمهم منك أبدا..
بالأسفل اتجهت سلسبيل الى المطبخ لتطلب من وردة أن تصنع لها كوبا من الينسون فوجئت بوردة وهي تحمل صينية عليها كوبا من سائل أصفر فسألتها عما تحمله لتجيب وردة بفخر
ده حاجة مخصوصة للحوامل عشان تجويهوم وتحوش الۏجع اللي كل شوية تشتكي منه الست سلمى...
هتفت سلسبيل وهي تتناول الكوب
ومين اللي جالك إكده..
هتفت وردة
ديه وصفة متجربة يا ست
متابعة القراءة
