رواية جديدة بقلم آية طارق
المحتويات
شوقتينى يا هاجر
مدت هاجر ايدها قدام احمد اللى غول ما فتحت ايديها وشتف الفار زقه بايده ولمياء طلعت فوق الكنبة وتصوت
لمياء ااااااااه فار يا هاجر فاااااار
أحمد انتى يا بت دماغك دى فيها ايه وانت كنت فين يا بابا وهيا بتجيب البتاع ده
حسين جابته من ورايا وفضل موجود لحد ما رضينا بالأمر الواقع
لمياء هاجر يا حبيبتى انتى ملقتيش فى صنف الحيوانات غير فار
هاجر علفكرة الهامستر غير الفار ها
أحمد ها فى عينك خرجى البتاع ده بره
هاجر أخرج مين يا ابنى ده انت اللى تخرج وهوا يقعد
فتحية متتعبش روحك وياها ده ب يبات معاها فى الأوضة
كانت الاطفال بتشد ايد هاجر عشان يشوفوه
مازن عمتو ورينى الفال عاوز اثوفه
قعدت هاجر عالأرض وهما اتلموا حواليها وقعدت تفرجهم عليه
مؤمن شكله حلو يا عمتو
هاجر الصغننة عمتو ينفع امسكه
لمياء اوعى يا هاجر محدش منكم يمسكه
هاجر پصدمة وهيا بتبص لاحمد اه يا حبيبتى افتحى ايدك براحة كده أيوة اتفضلى يا ستى
أحمد بابتسامة اه
هاجر بدموع انت قايلى انك مسميها تاليا
أحمد وهوا بيحاوط كتفها مكنش ينفع اسميها غير باسمك من زمان وانا متفق مع لمياء أن أول بنوته لينا هتتسمى على اسمك
خضنته هاجر وبتبكى انا بحبك اوى انت احلى اخ فى الدنيا
أحمد وانا كمان بحبك يا بنوتى
أحمد يا بت هوا انت فرحانة تعيطى زعلانة تعيطى
هاجر دموع الفرحة
أحمد بضحك ماشى يا اختى
هاجر وسع بقه خلينى العب مع كتاكيتى
سابته وقعدت تلعب هيا والعيال مع سيد
و الباقى قاعدين بتفرجوا پصدمة و بصوا لبعض وقعدوا يضحكوا
أحمد انا جبت عيالى للهلاك
أحمد لا يا حبيبتى أنيل هتسوحيهم بدماغك دى
قضوا الليلة فى فرحة رجوع أحمد ومراته وأولاده
أحمد وهوا بيقف ولمياء جنبه هنقوم احنا يا بابا نرتاح شوية
حسين ماشى يا ابنى استنى أما اشتال معاك الولاد
أحمد خليك ارتاح انت وانا هوديهم
خرج أحمد وشايل مازن وحسين وراه شايل مؤمن والبنت مع لمياء
فتحية لمياء يا بنتى
لمياء نعم يا ماما
فتحية الشقة متنضفة يا حبيبتى والأكل جوا جاهز عشان
لو كنتوا هتتعشوا وتصحى العيال تأكليهم
لمياء ربنا يديمك لينا يا ست الكل و يباركلنا فيكى تعبتى نفسك ليه بس الشقة كبيرة ۏفاتها تعبتك
فتحية يا حبيبتى انا لو متعبتلكوش هتعب لمين
هاجر طيب مفيش شكرا يا هاجر كتر خيرك يا هاجر
لمياء بضحك ودى تيجى برده ده انتى حبيبتى
هاجر اه يا اختى اقلبى محڼ وتلزيق
لمياء شوفى يا ماما
هاجر امشى يا بت روحى لجوزك وهوينا يلا عشان هرش مايه
لمياء هههههه ماشى افوقلك الصبح بس
هاجر امشى يا بت
خرجت لمياء عند شقتها ورجع حسين وقفل الباب ودخل قعد قعد معاه هاجر وفتحية
حسين اهم رجعوا وبقوا وسطينا من تانى
فتحية ربنا يجمع شملنا دايما
هاجر اتعدلت بسرعة ازاى مقولتليش أنه جاى انتو الاتنين كنتوا عارفين وانا لا
فتحية هوا اللى قالنا منقولكيش عشان تبقى مفاجأة
هاجر هييح والله احلى مفاجأة وخصوصا كتاكيتى الحلوين
قامت وقفت يلا يا جماعة تصبحوا على خير كفاية عليا سهر كده انا وسيد ...
يتبع
وقعت_فى_مجنونة
بقلم_آية_طارقوقعت فى مچنونة 7
فى صباح اليوم التالى
صحت هاجر بدرى على غير عادتها واتوضت وصلت وبعدها دخلت المطبخ وحطت سيد جنبها فى القفص بتاعه وبدأت تحضر الفطار
دخلت فتحية المطبخ وهيا بتبص باستغراب للى بيحصل
هاجر صباح الخير يا توحة
فتحية صباح النور يا حبيبتى
وفضلت تبص عالفطار اللى جهز منه شوية والباقى هاجر بتخلصه ورجعت بصتلها انتى كويسة يا بنتى
هاجر اه الحمد لله
فتحية غريبة يعنى قايمة بنفسك تعملى الفطار لا وصاحية بدرى وده من رابع المستحيلات
هاجر انا قولت بما إن الواد حوكش موجود فأكيد هيفطر معانا ولو
مجاش هروح أجيبه من بيته عادى
فتحية ممكن يفطر مع مراته وألاده فى شقته يا حبيبتى
هاجر ولو نفطره تانى عادى جدا بقولك ايه روحى انتى صحى بابا على ما اخلص اللى لسه
فتحية والاستاذ ده بيعمل وياكى ايه
هاجر بيصبرنى على مرار الأيام
فتحية وهيا بتخرج من المطبخ مرار الأيام طيب يا اختى ولو إنى أشك إنك هاجر بنتى برده
هاجر وهى بترمى السکينة عالرخامة هوا لا كده عاجب ولا كده عاجب
لفتلها فتحية بس خلاااص اسكتى يا ساتر الواحد ميعرفش يقولك كلمة
هاجر روحى صحى جوزك يا توحة وسيبينى مع نفسى
فيمتو ثانية عزيزى القارئ وكان أبو وردة بيصبح على أختنا
هاجر يووه بقه
فتحية جتك اوه ايه جوزك دى
حسين فى ايه عالصبح ماسكين فى بعض ليه
هاجر تعالى احضرنا يا بابا
حسين خير
هاجر زعلانة عشان بقولها صحى جوزك
ضربها حسين على راسها بهزار هوا فى واحدة تقول لامها صحى جوزك
هاجر الحق عليا بحنن قلبها عليك انا غلطانة
فتحية شوف البت
ضحك حسين عليها وهو بيحرك رأسه
متابعة القراءة
